Ambarnath Portal
Directory, updates, and community links

World Environment Day 2026

www.Ambarnath.in

We are getting ready!

Instagram Calendar

पोस्ट दिनदर्शिका

त्या दिवसाचे Instagram पोस्ट्स पाहण्यासाठी तारखेवर क्लिक करा.

16 Oct 2026

4 linked posts
नवदुर्गा पुरस्कार सन्मान सोहळा Photos

अंबरनाथ नागरी सहकारी पतसंस्था मर्यादित यांच्या वतीने आयोजित नवदुर्गा पुरस्कार सन्मान सोहळ्यास उपस्थित राहून कर्तृत्ववान व प्रेरणादायी महिलांचा सन्मान करून शुभेच्छा देण्यात आल्या.

यावेळी महिला बालकल्याण समिती सभापती तथा नगरसेविका सौ. स्वाती पाटील यांच्यासह अनेक महिला उपस्थित होत्या. महिलांच्या कर्तृत्वाचा गौरव आणि त्यांच्या कार्याला प्रोत्साहन देणारा हा सोहळा प्रेरणादायी ठरला.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

सेवा संकल्प अभियान अंतर्गत सेवा सेतू अभियान Photos

भारतीय जनता पार्टी, अंबरनाथ शहर यांच्या वतीने माननीय पंतप्रधान श्री. नरेंद्र मोदीजी यांच्या वाढदिवसानिमित्त ‘सेवा संकल्प अभियानांतर्गत ‘सेवा सेतू अभियान’ राबविण्यात आले.

या उपक्रमाचा मुख्य उद्देश म्हणजे सर्वसामान्य नागरिकांपर्यंत शासनाच्या विविध योजना, जनकल्याणकारी सुविधा आणि शासकीय सेवांची माहिती पोहोचवून त्यांना त्याचा प्रत्यक्ष लाभ मिळवून देणे हा आहे. या शिबिराच्या माध्यमातून नागरिकांना विविध योजनांचा लाभ घेण्यासाठी मार्गदर्शन करण्यात आले.

यावेळी गटनेते तथा कल्याण जिल्हा सरचिटणीस व नगरसेवक श्री. अभिजीत गुलाबराव करंजुले पाटील, अतिरिक्त मुख्याधिकारी डॉ. मयुरेश भुजबळ, उपनगराध्यक्ष तथा आरोग्य समिती सभापती श्री. सदाशिव हेंदर पाटील, नियोजन व विकास समिती सभापती तथा नगरसेवक श्री. महेश फुलोरे, नगरसेविका सौ. मिना वाळेकर, नगरसेविका सौ. मिनू सिंग, शक्तिकेंद्र प्रमुख सौ. स्वप्नाली शिंदे, अंबरनाथ शहर उपाध्यक्ष सौ. श्रद्धा गुंजाळ, महिला उपाध्यक्ष सौ. छाया निकम, कल्याण जिल्हा भाजपा सचिव व अंबरनाथ विधानसभा प्रभारी श्री. दिलीप कणसे, अंबरनाथ विस्तारक श्री. पांडुरंग भोसले, अंबरनाथ शहर पश्चिम मंडळ ९ अध्यक्ष श्री. लक्ष्मणदत्त पंत, ओबीसी मोर्चा अध्यक्ष श्री. दिपक कोतेकर, समाजसेवक श्री. भरत फुलोरे, श्री. चैतन्य कोतेकर यांच्यासह पदाधिकारी, कार्यकर्ते आणि नागरिक उपस्थित होते.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

नवरात्र उत्सव देवी कात्यायनी / क्रांतिज्योती सावित्रीबाई फुले Video

नवरात्रीच्या सहाव्या दिवशी पूजल्या जाणाऱ्या माता कात्यायनी या शक्ती, धैर्य आणि अन्यायाविरुद्धच्या संघर्षाचे प्रतीक मानल्या जातात. याच निर्भयतेची आणि परिवर्तनाची प्रेरणा आपल्याला क्रांतिज्योती सावित्रीबाई फुले यांच्या जीवनकार्यातून मिळते.

ज्या काळात मुलींच्या शिक्षणाला समाजाचा तीव्र विरोध होता, त्या काळात सावित्रीबाईंनी महात्मा ज्योतिराव फुले यांच्या सहकार्याने मुलींच्या शिक्षणासाठी ऐतिहासिक कार्य केले. अपमान, सामाजिक विरोध आणि अनेक अडचणींचा सामना करूनही त्यांनी शिक्षणाची ज्योत विझू दिली नाही.

माता कात्यायनीची तलवार अन्यायाविरुद्धच्या शक्तीचे प्रतीक, तर सावित्रीबाईंची लेखणी अज्ञानाविरुद्धच्या क्रांतीचे प्रतीक आहे.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

माता कात्यायनी Graphic

नवरात्रीच्या सहाव्या दिवशी आदिशक्तीचे सहावे स्वरूप असलेल्या माँ कात्यायनी देवीची पूजा केली जाते. देवी कात्यायनी या शक्ती, धैर्य, पराक्रम आणि धर्मरक्षणाचे प्रतीक मानल्या जातात. सिंहावर आरूढ, हातात तलवार व कमळ धारण केलेले त्यांचे दिव्य स्वरूप भक्तांना अन्यायाविरुद्ध लढण्याची आणि सत्याच्या मार्गावर चालण्याची प्रेरणा देते.

माँ कात्यायनीच्या कृपेने प्रत्येकाच्या जीवनात सुख, शांती, समृद्धी नांदो. समाजात एकता, सद्भावना आणि सकारात्मकतेची भावना वृद्धिंगत होवो, हीच देवीचरणी प्रार्थना!

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

Welcome To Ambarnath

एक मजबूत, स्वच्छ आणि सक्षम अंबरनाथ घडवूया

नगराध्यक्षा म्हणून माझे पहिले कर्तव्य म्हणजे स्वच्छ प्रशासन, कार्यक्षम सेवा आणि सर्वसमावेशक विकास प्रत्येक नागरिकापर्यंत पोहोचवणे.

माझी अंबरनाथसाठीची दृष्टी स्पष्ट आहे — भ्रष्टाचारमुक्त, प्रगत, स्वच्छ आणि डिजिटलदृष्ट्या सक्षम शहर उभे करणे, जे प्रत्येक कुटुंबाच्या आशा-आकांक्षा पूर्ण करेल.

स्वच्छता, आरोग्य, शिक्षण, रोजगार, उद्योजकता, तंत्रज्ञान आणि पारदर्शक प्रशासन या आधारांवर आपण अंबरनाथ अधिक सक्षम, दयाळू आणि पुढारलेले शहर बनवू.

चला, आपण सर्वांनी मिळून असे अंबरनाथ घडवूया जिथे विकासाचा लाभ प्रत्येक घरापर्यंत पोहोचेल आणि कुणीही मागे राहणार नाही.

– सीए सौ. तेजश्री विश्वजीत करंजुले-पाटील नगराध्यक्षा, अंबरनाथ नगरपरिषद