www.Ambarnath.in

श्री साई इन्फोटेकच्या नवीन कार्यालयाच्या भव्य शुभारंभ सोहळ्यास उपस्थित राहण्याचा योग आला, या सुंदर आणि प्रेरणादायी क्षणाचा साक्षीदार होण्याची संधी मिळाली, याचा विशेष आनंद वाटला.

नवीन कार्यालयाचा हा शुभारंभ केवळ एक सुरुवात नसून, प्रगती, नवकल्पना आणि उज्ज्वल भविष्यासाठी टाकलेले पाऊल आहे. मेहनत, दूरदृष्टी आणि उत्कृष्टतेच्या बळावर श्री साई इन्फोटेक निश्चितच यशाच्या नव्या उंची गाठेल, यावर पूर्ण विश्वास आहे.

श्री साई इन्फोटेकला पुढील वाटचालीसाठी मनःपूर्वक शुभेच्छा! तुमचा प्रत्येक प्रकल्प यशस्वी ठरो. ह्याच शुभेच्छा!

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

स्मार्ट कम्प्युटर इन्स्टिट्यूटच्या भव्य शुभारंभ सोहळ्यास मला प्रमुख अतिथी म्हणून आमंत्रित केल्याबद्दल संस्थेचे मनःपूर्वक आभार मानते. अशा प्रेरणादायी उपक्रमाचा भाग होण्याची संधी मिळाली, ही माझ्यासाठी आनंदाची बाब आहे.

हा भव्य शुभारंभाचा सोहळा अत्यंत उत्साहात आणि सुंदर वातावरणात पार पडला. यावेळी विधीपूर्वक सत्यनारायणाची पूजा आयोजित करण्यात आली होती. सत्यनारायण देवाचे दर्शन घेण्याचा लाभ मिळाला, यामुळे मन अधिक प्रसन्न झाले.

इन्स्टिट्यूटमधील वातावरण अतिशय सकारात्मक, उत्साही आणि प्रेरणादायी जाणवले. अशा उपक्रमांमुळे विद्यार्थ्यांना नव्या संधी मिळतील आणि त्यांच्या उज्ज्वल भविष्यासाठी ही संस्था नक्कीच महत्त्वाची भूमिका बजावेल, असा विश्वास वाटतो.

स्मार्ट कम्प्युटर इन्स्टिट्यूटच्या पुढील वाटचालीसाठी मनःपूर्वक शुभेच्छा!

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

श्री दत्त मंदिर, ब्राह्मण सभा अंबरनाथ येथे शस्त्रविद्येचे महान गुरु, भगवान परशुराम यांच्या जयंती निमित्त दर्शन घेण्याचा पवित्र योग आला.

भगवान परशुराम हे भगवान विष्णूंचे सहावे अवतार असून त्यांच्या पराक्रम, शौर्य आणि धर्मरक्षणाच्या शिकवणी आजही समाजाला प्रेरणा देतात. त्यांच्या विचारांमधून सत्य, शिस्त आणि कर्तव्यनिष्ठेचा आदर्श आपण सर्वांनी अंगीकारण्याची गरज आहे.

तसेच अंबरनाथ नगरपरिषद येथे जगतज्योत महात्मा बसवेश्वर यांच्या प्रतिमेचे पूजन करण्याचे सौभाग्य मला लाभले. समाजात समानता, न्याय आणि मानवतेचा संदेश देणारे महात्मा बसवेश्वर यांचे विचार आजच्या काळात अधिकच महत्त्वाचे ठरतात.

या दोन्ही महान विभूतींच्या जयंती निमित्त त्यांच्या कार्याला व विचारांना अभिवादन करत, समाजाच्या प्रगतीसाठी आणि सशक्त भविष्यासाठी आपण सर्वांनी एकत्रितपणे कार्य करण्याचा संकल्प करूया. या प्रसंगी माझ्यासोबत शहराध्यक्ष व नगरसेवक, श्री. विश्वजीत गुलाबराव करंजुले पाटील देखील उपस्थित होते.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

प्रभाग क्रमांक २७ येथील भाजपा कार्यालयामध्ये प्रभाग क्रमांक २६ व २७ मधील अनेक तरुण, महिला तसेच अनेक कार्यकर्त्यांनी भारतीय जनता पार्टीमध्ये श्री. प्रशांत उतेकर यांच्या नेतृत्वाखाली पक्षप्रवेश केला. या पक्षप्रवेशासाठी आतिश पाटील आणि प्रभाग क्रमांक २७ चे नगरसेवक श्री.सचिन गुंजाळ यांनी विशेष प्रयत्न केले.

या प्रसंगी नगरसेवक श्री.अभिजीत गुलाबराव करंजुले पाटील, शहराध्यक्ष व नगरसेवक श्री.विश्वजीत गुलाबराव करंजुले पाटील यांच्या उपस्थितीत मी उपस्थित नागरिकांना भारतीय जनता पार्टीची विचारधारा समजावून सांगत मार्गदर्शन केले आणि पक्षप्रवेश सोहळा संपन्न झाला.

यावेळी श्री.ज्ञानेश्वर शेलार यांची भारतीय जनता युवा मोर्चा उपाध्यक्षपदी नियुक्ती करण्यात आली. तसेच श्री.प्रशांत विश्वास उतेकर यांची भारतीय जनता युवा मोर्चा सरचिटणीसपदी, श्री.जितेंद्र पवार यांची सचिवपदी नियुक्ती करण्यात आली व श्री.अशोक भोसले यांची सांस्कृतिक व अध्यात्मिक आघाडी, अंबरनाथ शहर उपाध्यक्षपदी नियुक्ती करण्यात आली.

ह्या कार्यक्रमास भारतीय जनता युवा मोर्चा अध्यक्ष श्री.आदेश पाटील, संघटन सरचिटणीस श्री.दिलीप कणसे, श्री.संतोष शिंदे, नगरसेवक श्री.सुनील वाघे, श्री.अजय पाटील, श्री.सुरेश जाधव, श्री.मिलिंद गान आदी मान्यवर उपस्थित होते.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

शास्त्र आणि शस्त्र यांचे महान उपासक, भगवान श्री विष्णूंचे सहावे अवतार, भगवान परशुराम जयंती निमित्त मंगलमय शुभेच्छा! 🙏🏻

धर्म, शौर्य आणि तपश्चर्येचा अद्वितीय संगम असलेले भगवान परशुराम हे भारतीय संस्कृतीतील पराक्रम आणि न्यायाचे जिवंत प्रतीक आहेत. अन्याय, अधर्म आणि अहंकाराविरुद्ध निर्भयपणे उभे राहण्याची प्रेरणा त्यांच्या जीवनातून मिळते.

त्यांच्या आदर्शांना अंगीकारत धैर्य, सत्य आणि संस्कारांनी समृद्ध असा सुसंस्कृत व प्रगत समाज घडवूया. आपल्या विचारांमध्ये शुद्धता आणि कृतीत प्रामाणिकपणा आणण्याचा प्रयत्न करूया.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

महान समाजसुधारक, तत्त्वज्ञ महात्मा बसवेश्वर यांना जयंती निमित्त विनम्र अभिवादन! 🙏🏻

समाजात समता, बंधुता आणि न्यायाची ज्योत पेटवणारे महान विचारवंत महात्मा बसवेश्वर यांचे जीवन म्हणजे प्रेरणेचा अखंड स्रोत आहे.

जात-पात, भेदभाव यांना दूर ठेवत “सर्व मानव समान आहेत” हा संदेश त्यांनी दिला. आजच्या काळातही त्यांच्या विचारांची गरज अधिक जाणवते.

चला, त्यांच्या विचारांना आचरणात उतरवत सुसंस्कृत, प्रगत आणि समतामूलक समाज घडवूया. “विचारांमध्ये शुद्धता आणि कृतीत प्रामाणिकपणा आणुया.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

अक्षय्य तृतीया म्हणजे शुभत्व, समृद्धी आणि नव्या सुरुवातींचं प्रतीक..

या पवित्र दिवशी आपण सर्वांनी आपल्या आयुष्यात सकारात्मकतेची, यशाची आणि आनंदाची नवीन बीजं पेरूया. अक्षय तृतीयेच्या या मंगल क्षणी घेतलेले प्रत्येक संकल्प, प्रत्येक प्रयत्न आपल्याला यशाच्या शिखरावर घेऊन जावो. आपल्या सर्वांना अक्षय तृतीयेच्या हार्दिक शुभेच्छा! 🌺

सुख, समृद्धी आणि भरभराटीचा वर्षाव तुमच्या आयुष्यात कायम होत राहो हीच मनापासून प्रार्थना.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷