श्रावण महिन्यात अंबरनाथच्या प्राचीन शिवमंदिरात येणाऱ्या भाविकांची आणि कावड यात्रेकरूंची कोणतीही गैरसोय होऊ नये, यासाठी आज प्राचीन शिवमंदिर परिसराची पाहणी करण्यात आली.
यावेळी मंडप व्यवस्था, आरोग्य सुविधा, पाणीपुरवठा, वॉटर प्युरिफिकेशन, विद्युत व्यवस्था, रस्ते व्यवस्था तसेच घाट परिसर आणि धर्मशाळेच्या सुरू असलेल्या नूतनीकरणाच्या कामांची सविस्तर पाहणी करण्यात आली. संबंधित अधिकाऱ्यांना आवश्यक त्या सूचना देऊन सर्व कामे वेळेत पूर्ण करण्याचे निर्देश देण्यात आले.
श्रावण महिन्यात अंबरनाथमध्ये येणाऱ्या प्रत्येक भाविकाला सुरक्षित, स्वच्छ आणि उत्तम सुविधा मिळाव्यात, यासाठी अंबरनाथ नगरपरिषद प्रशासनाकडून आवश्यक त्या सर्व उपाययोजना करण्यात येत आहेत.
यावेळी नगरसेवक तथा बांधकाम समिती सभापती श्री. शैलेश भोईर, नगरसेविका सौ. पूनम राकेश पाटील, नगरसेविका सौ. मोनिका रिंजड, शहर अभियंता श्री. राजेश तडवी, पत्रकार श्री. गणेश गायकवाड तसेच समाजसेवक श्री जयराम पाटील उपस्थित होते.
सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷