आज अंबरनाथ नगरपरिषद कार्यालयात नागरिकांनी विविध समस्या, अडचणी तसेच परिसराशी संबंधित विषय घेऊन भेट दिली. पाणीपुरवठा, स्वच्छता, गटार व्यवस्था, रस्त्यांची कामे, आरोग्य सुविधा, नागरी समस्या आणि इतर विषयांवर नागरिकांशी सविस्तर चर्चा करत संबंधित विभागातील अधिकाऱ्यांना तात्काळ आवश्यक सूचना देण्यात आल्या.

नागरिकांच्या प्रत्येक प्रश्नाला प्राधान्य देत त्यांच्या समस्या मार्गी लागाव्यात यासाठी सातत्याने पाठपुरावा केला जात आहे. शहरातील विकासकामे अधिक प्रभावीपणे पूर्ण व्हावीत, नागरिकांना चांगल्या सुविधा मिळाव्यात यासाठी प्रत्येक स्तरावर समन्वय साधण्यावर भर दिला जात आहे.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

छायाचित्रे व माहिती प्रदर्शन Photos

अंबरनाथ नगरपरिषदेने उभारलेल्या धर्मवीर आनंद दिघे नाट्यगृहातील प्रदर्शन दालनाला आज भेट देत अंबरनाथच्या ऐतिहासिक शिवमंदिराच्या अद्वितीय शिल्पवैभवाचे दर्शन घडवणारी दुर्मिळ छायाचित्रे आणि माहिती पाहण्याची संधी मिळाली. ज्येष्ठ प्राच्यविद्या संशोधिका डॉ. कुमुद कानिटकर यांनी अनेक वर्षांच्या अभ्यासातून जतन केलेला हा अमूल्य ठेवा नागरिकांसाठी उपलब्ध करून देण्यात आला आहे.

अकराव्या शतकातील शिलाहारकालीन वास्तुकलेचा वारसा, मंदिरातील विविध देवदेवतांची अप्रतिम शिल्परचना, ऐतिहासिक छायाचित्रे आणि दुर्मिळ माहिती यामुळे हे प्रदर्शन इतिहास, संस्कृती आणि आपल्या परंपरेची ओळख करून देणारे ठरत आहे.

आपल्या अंबरनाथच्या ऐतिहासिक आणि सांस्कृतिक वैभवाची जाणीव प्रत्येक पिढीपर्यंत पोहोचावी, या उद्देशाने उभारण्यात आलेले हे प्रदर्शन निश्चितच प्रेरणादायी आहे. नागरिकांनी या प्रदर्शनाला भेट देऊन आपल्या गौरवशाली परंपरेचे हे अद्वितीय वैभव जवळून अनुभवावे.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

अटल बिहारी उद्यान उद्घाटन सोहळा Reel

अंबरनाथ येथील साई सेक्शन परिसरात नागरिकांसाठी साकारण्यात आलेले “भारतरत्न अटल बिहारी वाजपेयी उद्यान” हे माननीय डॉ. श्रीकांत शिंदे साहेब यांच्या संकल्पनेतून उभारण्यात आले असून त्यांनी उद्यान परिसराला भेट देत पाहणी केली.

नागरिकांना स्वच्छ, सुरक्षित आणि आनंददायी वातावरण मिळावे, ज्येष्ठ नागरिकांना विरंगुळ्याची जागा उपलब्ध व्हावी तसेच लहान मुलांना खेळण्यासाठी आधुनिक सुविधा मिळाव्यात या उद्देशाने उभारण्यात आलेले हे उद्यान परिसराच्या विकासाला नवी दिशा देणारे ठरणार आहे.

यावेळी शहराध्यक्ष व नगरसेवक श्री. विश्वजीत गुलाबराव करंजुले पाटील, गटनेते व नगरसेवक श्री. अभिजीत गुलाबराव करंजुले पाटील, नगरसेवक श्री. कुणाल सुभाष भोईर, नगरसेविका सौ. अपर्णा कुणाल भोईर तसेच इतर मान्यवर मोठ्या संख्येने उपस्थित होते.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

Welcome To Ambarnath

एक मजबूत, स्वच्छ आणि सक्षम अंबरनाथ घडवूया

नगराध्यक्षा म्हणून माझे पहिले कर्तव्य म्हणजे स्वच्छ प्रशासन, कार्यक्षम सेवा आणि सर्वसमावेशक विकास प्रत्येक नागरिकापर्यंत पोहोचवणे.

माझी अंबरनाथसाठीची दृष्टी स्पष्ट आहे — भ्रष्टाचारमुक्त, प्रगत, स्वच्छ आणि डिजिटलदृष्ट्या सक्षम शहर उभे करणे, जे प्रत्येक कुटुंबाच्या आशा-आकांक्षा पूर्ण करेल.

स्वच्छता, आरोग्य, शिक्षण, रोजगार, उद्योजकता, तंत्रज्ञान आणि पारदर्शक प्रशासन या आधारांवर आपण अंबरनाथ अधिक सक्षम, दयाळू आणि पुढारलेले शहर बनवू.

चला, आपण सर्वांनी मिळून असे अंबरनाथ घडवूया जिथे विकासाचा लाभ प्रत्येक घरापर्यंत पोहोचेल आणि कुणीही मागे राहणार नाही.

– सीए सौ. तेजश्री विश्वजीत करंजुले-पाटील नगराध्यक्षा, अंबरनाथ नगरपरिषद

अंबरनाथशी जोडलेले राहा

👩‍👩‍👧‍👧 बचत गट

महिला बचत गट, उपक्रम आणि संधी

Join SHG Group

🏙️ अंबरनाथ नागरिक

शहर अपडेट्स, योजना आणि महत्त्वाच्या सूचना

Join Citizen's Group