अंबरनाथ पूर्व येथील लोक पॅराडाईज बिल्डिंग येथे भक्ती, श्रद्धा, अध्यात्म आणि संस्कार यांचा दिव्य संगम असलेल्या श्रीमद् भागवत कथा अखंड सप्ताह सोहळ्यात सहभागी होता आले. संपूर्ण परिसर भक्तिमय वातावरणाने भारावून गेला असून हरिनामाच्या गजरात आणि भागवत कथेमधील अमृतमय विचारांत भाविक तल्लीन झालेले पाहायला मिळाले.

यावेळी आरती करण्याचा मान लाभला तसेच खानदेशातील सुप्रसिद्ध भागवताचार्य ह.भ.प. श्री. देवदत्त महाराज यांचे आशीर्वाद घेण्याचे सौभाग्य लाभले. यावेळी युवा मोर्चा अध्यक्ष श्री. अतिश पाटील व नगरसेविका सौ. स्वाती अतिश पाटील देखील उपस्थित होते. अशा धार्मिक आणि सांस्कृतिक उपक्रमांमुळे समाजात सकारात्मकता, एकोप्याची भावना आणि अध्यात्मिक जागृती निर्माण होते.

नवीन पिढीपर्यंत आपल्या संस्कृतीचे आणि संस्कारांचे महत्त्व पोहोचवण्याचे कार्य अशा सप्ताह सोहळ्यांतून घडत असते. या भक्तिमय श्रीमद् भागवत कथा अखंड सप्ताह सोहळ्याचे यशस्वी आयोजन केल्याबद्दल आयोजक श्री. किरण नेमाडे तसेच सर्व सहकारी, भक्तगण आणि कार्यकर्त्यांचे मनःपूर्वक अभिनंदन व आभार.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

स्व. बाळ कोल्हटकर जन्मशताब्दी Photos

धर्मवीर आनंद दिघे नाट्यगृह, अंबरनाथ येथे ज्ञानदीप बहुउद्देशीय संस्था आणि अंबरनाथ नगरपरिषद यांच्या संयुक्त विद्यमाने स्व. बाळ कोल्हटकर यांच्या जन्मशताब्दी वर्षानिमित्त बाळ कोल्हटकर जन्मशताब्दी समिती द्वारा आयोजित विशेष कार्यक्रमास उपस्थित राहण्याचा योग आला. मराठी रंगभूमी समृद्ध करणाऱ्या बाळ कोल्हटकर यांच्या साहित्य, नाट्यकृती आणि सांस्कृतिक योगदानाचा गौरव करण्यात आला.

“वाहतो ही दुर्वांची जुडी” या गाजलेल्या नाटकाचे हजार प्रयोग पूर्ण झाल्या निमित्ताने प्रकाशित करण्यात आलेल्या स्मरणिकेचे पुनःप्रकाशन करण्यात आले. तसेच जन्मशताब्दी वर्षानिमित्त विशेषांकाचेही प्रकाशन मान्यवरांच्या हस्ते संपन्न झाले. याप्रसंगी अंबरनाथ विधानसभा मतदारसंघाचे आमदार डॉ. बालाजी किणीकर, माजी नगराध्यक्ष श्री. सुनील चौधरी यांच्यासह अनेक मान्यवर उपस्थित होते.

मराठी नाट्यसंस्कृतीचा वारसा जपणारे असे कार्यक्रम नव्या पिढीला प्रेरणा देणारे असून, साहित्य आणि रंगभूमीप्रती असलेली आपली बांधिलकी अधिक दृढ करणारे आहेत. आयोजकांचे मनःपूर्वक अभिनंदन व आभार.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

गोविंद सखाराम सरदेसाई जयंती Graphic

इतिहास संशोधनाच्या क्षेत्रात अमूल्य योगदान देणारे, मराठ्यांच्या इतिहासाला दस्तऐवज स्वरूप देणारे प्रख्यात इतिहासकार गोविंद सखाराम सरदेसाई यांच्या जयंतीनिमित्त त्यांना विनम्र अभिवादन!💐

त्यांनी आपल्या लेखनातून आणि संशोधनातून महाराष्ट्राच्या तसेच भारताच्या इतिहासाला नवी दिशा दिली. त्यांच्या कार्यामुळे अनेक पिढ्यांना इतिहास समजून घेण्याची प्रेरणा मिळाली. ज्ञान, अभ्यास आणि सत्यशोधन यांचा आदर्श ठेवणाऱ्या या महान व्यक्तिमत्त्वाच्या स्मृतीस विनम्र नमन..

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

आचार्य बाळशास्त्री जांभेकर पुण्यतिथी Graphic

मराठी पत्रकारितेचे जनक, समाजप्रबोधनाचे दीपस्तंभ आणि ज्ञानाचा प्रकाश जनमानसात पोहोचवणारे महान विचारवंत आचार्य बाळशास्त्री जांभेकर यांना पुण्यतिथीनिमित्त विनम्र अभिवादन! 💐

‘दर्पण’ सारख्या वृत्तपत्राच्या माध्यमातून समाजात शिक्षण, विज्ञान, विचारस्वातंत्र्य आणि सामाजिक जागृतीची ज्योत प्रज्वलित करणाऱ्या या महान व्यक्तिमत्त्वाचे कार्य सदैव प्रेरणादायी राहील.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

Welcome To Ambarnath

एक मजबूत, स्वच्छ आणि सक्षम अंबरनाथ घडवूया

नगराध्यक्षा म्हणून माझे पहिले कर्तव्य म्हणजे स्वच्छ प्रशासन, कार्यक्षम सेवा आणि सर्वसमावेशक विकास प्रत्येक नागरिकापर्यंत पोहोचवणे.

माझी अंबरनाथसाठीची दृष्टी स्पष्ट आहे — भ्रष्टाचारमुक्त, प्रगत, स्वच्छ आणि डिजिटलदृष्ट्या सक्षम शहर उभे करणे, जे प्रत्येक कुटुंबाच्या आशा-आकांक्षा पूर्ण करेल.

स्वच्छता, आरोग्य, शिक्षण, रोजगार, उद्योजकता, तंत्रज्ञान आणि पारदर्शक प्रशासन या आधारांवर आपण अंबरनाथ अधिक सक्षम, दयाळू आणि पुढारलेले शहर बनवू.

चला, आपण सर्वांनी मिळून असे अंबरनाथ घडवूया जिथे विकासाचा लाभ प्रत्येक घरापर्यंत पोहोचेल आणि कुणीही मागे राहणार नाही.

– सीए सौ. तेजश्री विश्वजीत करंजुले-पाटील नगराध्यक्षा, अंबरनाथ नगरपरिषद

अंबरनाथशी जोडलेले राहा

👩‍👩‍👧‍👧 बचत गट

महिला बचत गट, उपक्रम आणि संधी

Join SHG Group

🏙️ अंबरनाथ नागरिक

शहर अपडेट्स, योजना आणि महत्त्वाच्या सूचना

Join Citizen's Group