आज अंबरनाथ नगरपालिकेत घंटागाडी कामगार आपल्या विविध समस्या घेऊन भेटीस आले. सदर कामगार हे “समीक्षा” या कॉन्ट्रॅक्टर अंतर्गत कार्यरत आहेत.
त्यांनी मांडलेल्या प्रमुख अडचणी - कामगारांच्या पगारातून पीएफ कपात वाढ होत असली तरी कंपनीकडून त्यामध्ये कोणताही वाटा दिला जात नाही. सध्याचा पगार अत्यंत कमी असून त्यामध्ये वाढ करण्याची मागणी करण्यात आली. तसेच, कामाच्या ठिकाणी आवश्यक असलेली युनिफॉर्म व सुरक्षा साधने जसे की ग्लोव्हज, शूज, मास्क आणि ओळखपत्र उपलब्ध करून दिले जात नाहीत, ही गंभीर बाब त्यांनी निदर्शनास आणून दिली.
याशिवाय, दिवाळी बोनस अगदी कमी दिला जात असल्याची तक्रार करण्यात आली. पगार वेळेवर न मिळण्याची समस्या देखील त्यांनी मांडली असून दर महिन्याच्या १० ते १५ तारखेच्या दरम्यान नियमित पगार देण्यात यावा, अशी ठोस मागणी करण्यात आली.
घंटागाडी कामगारांनी मांडलेल्या या सर्व समस्यांची गांभीर्याने दखल घेऊन संबंधित कॉन्ट्रॅक्टर व प्रशासन स्तरावर आवश्यक ती कार्यवाही करून लवकरात लवकर योग्य तोडगा काढण्यासाठी पाठपुरावा करण्यात येणार आहे.
CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷