अंबरनाथ (पूर्व) येथील जय शिव सृष्टी को-ऑप. हाऊसिंग सोसायटीतील काही सदस्यांनी परिसरातील भटक्या कुत्र्यांच्या वाढत्या त्रासाबाबत तक्रार अर्ज दाखल करून तो माझ्यापर्यंत पोहोचवला आहे.

नागरिकांच्या दैनंदिन जीवनावर याचा थेट परिणाम होत असून सुरक्षिततेचा प्रश्न अत्यंत गंभीर झाला आहे. या संपूर्ण विषयाची गांभीर्याने दखल घेत संबंधित प्रशासन व अधिकाऱ्यांशी तातडीने चर्चा करून या समस्येवर ठोस व कायमस्वरूपी उपाययोजना व आवश्यक त्या कारवाईसाठी सातत्याने पाठपुरावा केला जाईल, जेणेकरून नागरिकांना लवकरात लवकर दिलासा मिळेल.

तसेच रिक्षा चालक-मालक संघटनेने विविध नागरी समस्यांबाबत विनंती अर्ज सादर केला आहे. काही ठिकाणी रस्त्यावर खड्डे पडले असून त्या ठिकाणी पीसीसी करण्याची मागणी त्यांनी केली आहे.

या सर्व समस्यांचे गांभीर्य लक्षात घेऊन नगरपालिकेत त्वरित कार्यवाही होण्यासाठी संबंधित विभागांना आवश्यक त्या सूचना दिल्या जातील. नागरिकांच्या समस्या लवकरात लवकर मार्गी लागाव्यात यासाठी सातत्याने पाठपुरावा केला जाईल, तसेच शहरातील मूलभूत सुविधांचा दर्जा उंचावण्यासाठी सर्वोत्तम आणि प्रभावी प्रयत्न करण्यात येतील.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

आरोग्य दिन Graphic

“निरोगी नागरिक हेच सशक्त राष्ट्राचं खऱ्या अर्थाने बळ असतं.”

जागतिक आरोग्य दिनानिमित्त, प्रत्येकाच्या आरोग्याची जबाबदारी ही केवळ वैयक्तिक नाही तर सामाजिक कर्तव्य आहे, ही जाणीव पुन्हा एकदा दृढ करूया. एका व्यक्तीचं आरोग्य हे फक्त त्या कुटुंबापुरतं मर्यादित नसतं, तर संपूर्ण समाजाच्या प्रगतीशी जोडलेलं असतं.

चला, आजच्या या दिवशी “आरोग्य हीच खरी संपत्ती” ही भावना मनात ठेवून, प्रत्येकाच्या आयुष्यात आरोग्य, आनंद आणि सुरक्षिततेचा प्रकाश पसरवण्याचा संकल्प करूया.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

जवसाई गाव पाहणी Photos

जवसाई गाव, अंबरनाथ येथे पाहणी करण्यासाठी भेट दिली असता अनेक मूलभूत समस्या आणि अडचणी निदर्शनास आल्या. यावेळी स्थानिक नागरिकांशी प्रत्यक्ष संवाद साधत त्यांच्या भावना, सूचना आणि तक्रारी समजून घेतल्या. नागरिकांनी मांडलेल्या प्रत्येक मुद्द्याची गांभीर्याने दखल घेत संबंधित अधिकाऱ्यांशी चर्चा करून त्यावर लवकरात लवकर ठोस आणि प्रभावी उपाययोजना करण्यात येईल, असे आश्वस्त केले.

परिसराचा सर्वांगीण विकास साधण्यासाठी तसेच प्रत्येक नागरिकापर्यंत मूलभूत सुविधा सुरळीतपणे आणि वेळेवर पोहोचाव्यात यासाठी सातत्याने आणि प्रभावी पाठपुरावा करण्यात येईल.

नागरिकांच्या दैनंदिन अडचणी दूर करून त्यांना स्वच्छ, सुरक्षित आणि सुविधा संपन्न वातावरण मिळावे, हा आमचा मुख्य उद्देश आहे.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

स्वच्छ परिसर उपक्रम Photos

पुढील पिढीसाठी एक स्वच्छ, सुंदर आणि निरोगी वातावरण निर्माण करण्याच्या उद्देशाने आज या उपक्रमाचे आयोजन करण्यात आले.

या उपक्रमामध्ये नागरिकांनी उत्स्फूर्त सहभाग नोंदवत परिसर स्वच्छता मोहिम राबवली. कचरा योग्य ठिकाणी टाकणे, घंटागाडीचा वापर करणे आणि आपल्या आसपासचा परिसर स्वच्छ व सुंदर ठेवण्याचा संदेश यावेळी देण्यात आला.

या उपक्रमामध्ये परिसरातील कचरा पूर्णपणे हटवून स्वच्छता मोहिम राबविण्यात आली. संबंधित ठिकाणी जंतुनाशक पावडर टाकून स्वच्छतेची योग्य काळजी घेण्यात आली. तसेच, त्या जागेचे सौंदर्य वाढवण्यासाठी आणि पुन्हा कोणीही कचरा टाकू नये या उद्देशाने तेथे सुंदर फुलांच्या झाडांच्या कुंड्या ठेवण्यात आल्या.

जागरूक नागरिक म्हणून आपण सर्वांनी पुढाकार घेतला तरच “स्वच्छ आणि सुंदर भास्करनगर” घडवणे शक्य आहे.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

सांडपाणी प्रकल्प पाहणी Reel

अंबरनाथ येथील सांडपाणी प्रक्रिया केंद्राची प्रत्यक्ष पाहणी करताना अत्यंत गंभीर आणि धक्कादायक बाबी निदर्शनास आल्या. प्रत्यक्षात प्रक्रिया पूर्ण क्षमतेने सुरू नसतानाही मोठ्या प्रमाणावर बिले काढली जात असल्याचा संशय व्यक्त होत आहे.

यावेळी नगरसेवक श्री. अभिजीत गुलाबराव करंजुले पाटील देखील उपस्थित होते. त्यांनी स्वतः जागेवर उभे राहून सांडपाण्याची तपासणी केली आणि परिस्थितीची गांभीर्याने पाहणी केली.

या संदर्भात संबंधित अधिकाऱ्यांना जाब विचारला असता त्यांनी कोणतीही समाधानकारक उत्तरे न देता जबाबदारी झटकण्याचा प्रयत्न केला आणि तिथून निघून गेले, ही

अत्यंत खेदजनक बाब आहे.

या संपूर्ण प्रकरणाची सखोल चौकशी करण्यात येईल. तसेच, सांडपाणी प्रक्रिया केंद्र तात्काळ सुरळीत आणि पूर्ण क्षमतेने कार्यान्वित करण्यासाठी ठोस उपाययोजना राबविण्यात येतील, जेणेकरून अंबरनाथ शहरातील नागरिकांना स्वच्छ आणि सुरक्षित पर्यावरण मिळेल.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

Welcome To Ambarnath

एक मजबूत, स्वच्छ आणि सक्षम अंबरनाथ घडवूया

नगराध्यक्षा म्हणून माझे पहिले कर्तव्य म्हणजे स्वच्छ प्रशासन, कार्यक्षम सेवा आणि सर्वसमावेशक विकास प्रत्येक नागरिकापर्यंत पोहोचवणे.

माझी अंबरनाथसाठीची दृष्टी स्पष्ट आहे — भ्रष्टाचारमुक्त, प्रगत, स्वच्छ आणि डिजिटलदृष्ट्या सक्षम शहर उभे करणे, जे प्रत्येक कुटुंबाच्या आशा-आकांक्षा पूर्ण करेल.

स्वच्छता, आरोग्य, शिक्षण, रोजगार, उद्योजकता, तंत्रज्ञान आणि पारदर्शक प्रशासन या आधारांवर आपण अंबरनाथ अधिक सक्षम, दयाळू आणि पुढारलेले शहर बनवू.

चला, आपण सर्वांनी मिळून असे अंबरनाथ घडवूया जिथे विकासाचा लाभ प्रत्येक घरापर्यंत पोहोचेल आणि कुणीही मागे राहणार नाही.

– सीए सौ. तेजश्री विश्वजीत करंजुले-पाटील नगराध्यक्षा, अंबरनाथ नगरपरिषद

अंबरनाथशी जोडलेले राहा

👩‍👩‍👧‍👧 बचत गट

महिला बचत गट, उपक्रम आणि संधी

Join SHG Group

🏙️ अंबरनाथ नागरिक

शहर अपडेट्स, योजना आणि महत्त्वाच्या सूचना

Join Citizen's Group