Ambarnath Portal
Directory, updates, and community links

World Environment Day 2026

www.Ambarnath.in

We are getting ready!

Instagram Calendar

पोस्ट दिनदर्शिका

त्या दिवसाचे Instagram पोस्ट्स पाहण्यासाठी तारखेवर क्लिक करा.

28 Sep 2026

4 linked posts
विश्वकर्मा विकास संस्था वर्धापन दिन Graphic

हॉली फेथ स्कूल, अंबरनाथ येथे विश्वकर्मा विकास संस्था, अंबरनाथ यांच्या वतीने संस्थेचा वर्धापन दिन व विश्वकर्मा पूजन दिवस मोठ्या उत्साहात साजरा करण्यात आला.

यावेळी श्री विश्वकर्मा यांच्या प्रतिमेचे पूजन करण्यात आले. समाजाच्या विकासासाठी तसेच सर्वांच्या सुख, समृद्धी, आरोग्य आणि उज्ज्वल भविष्यासाठी प्रार्थना करण्यात आली. या निमित्ताने समाजातील एकता, बंधुभाव आणि विकासाची भावना अधिक दृढ करण्याचा संकल्प करण्यात आला.

या कार्यक्रमास भाजप कल्याण जिल्हा उपाध्यक्ष श्री. संजय अदक, नगरसेविका सौ. अनिता संजय अदक तसेच विश्वकर्मा विकास संस्थेचे पदाधिकारी, कार्यकर्ते उपस्थित होते.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

सेवापूर्ती गौरव समारंभ Photos

ग्लोब बिझनेस पार्क, अंबरनाथ येथे श्री. सुरेश बबन वाळके (सहा. शिक्षक) यांच्या सेवापूर्ती गौरव समारंभास उपस्थित राहून त्यांच्या प्रदीर्घ शैक्षणिक सेवेसाठी त्यांचे अभिनंदन केले व पुढील वाटचालीसाठी मनःपूर्वक शुभेच्छा दिल्या.

विद्यार्थ्यांच्या आयुष्याला योग्य दिशा देत ज्ञानाची आणि संस्कारांची शिदोरी देणाऱ्या शिक्षकांच्या योगदानाला समाजात नेहमीच विशेष स्थान आहे. श्री. वाळके सरांच्या उल्लेखनीय सेवेला मनःपूर्वक सलाम!

यावेळी अंबरनाथ पूर्व शहराध्यक्ष श्री. विश्वजीत गुलाबराव करंजुले पाटील, नगरसेविका सौ. रोहिणी भोईर तसेच माजी नगरसेविका सौ. रेखा करंजुले उपस्थित होते.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

लता मंगेशकर जयंती Graphic

स्वरसम्राज्ञी, भारतरत्न गानकोकिळा लता मंगेशकर यांच्या जयंतीनिमित्त त्यांना विनम्र अभिवादन!

आपल्या अद्वितीय आणि अमर स्वरांनी भारतीय संगीतविश्वाला एका नव्या उंचीवर नेणाऱ्या लतादीदींचा आवाज आजही कोट्यवधी रसिकांच्या मनात तितक्याच प्रेमाने घुमतो.

भाव, भक्ती, प्रेम, विरह आणि देशभक्ती अशा प्रत्येक भावनेला आपल्या स्वरांनी जिवंत करणाऱ्या लतादीदींचे संगीत ही भारतीय संस्कृतीची अनमोल ठेव आहे. त्यांच्या सुरांची जादू सदैव आपल्या हृदयात जिवंत राहील.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

शहीद भगतसिंग जयंती Graphic

भारतीय स्वातंत्र्य संग्रामातील थोर क्रांतिकारक, महान देशभक्त शहीद भगतसिंग यांच्या जयंतीनिमित्त त्यांना विनम्र अभिवादन!

मातृभूमीच्या स्वातंत्र्यासाठी तरुण वयातच आपल्या जीवनाचे बलिदान देणाऱ्या भगतसिंग यांच्या शौर्याला, त्यागाला आणि राष्ट्रभक्तीला शब्दांत मांडणे अशक्य आहे. देशासाठी जगण्याची आणि गरज पडल्यास देशासाठी सर्वस्व अर्पण करण्याची प्रेरणा त्यांच्या अमर बलिदानातून मिळते.

त्यांच्या विचारांची मशाल प्रत्येक पिढीच्या मनात तेवत राहो आणि राष्ट्रहित, देशभक्ती व सामाजिक बांधिलकीची भावना अधिक दृढ होत राहो.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

Welcome To Ambarnath

एक मजबूत, स्वच्छ आणि सक्षम अंबरनाथ घडवूया

नगराध्यक्षा म्हणून माझे पहिले कर्तव्य म्हणजे स्वच्छ प्रशासन, कार्यक्षम सेवा आणि सर्वसमावेशक विकास प्रत्येक नागरिकापर्यंत पोहोचवणे.

माझी अंबरनाथसाठीची दृष्टी स्पष्ट आहे — भ्रष्टाचारमुक्त, प्रगत, स्वच्छ आणि डिजिटलदृष्ट्या सक्षम शहर उभे करणे, जे प्रत्येक कुटुंबाच्या आशा-आकांक्षा पूर्ण करेल.

स्वच्छता, आरोग्य, शिक्षण, रोजगार, उद्योजकता, तंत्रज्ञान आणि पारदर्शक प्रशासन या आधारांवर आपण अंबरनाथ अधिक सक्षम, दयाळू आणि पुढारलेले शहर बनवू.

चला, आपण सर्वांनी मिळून असे अंबरनाथ घडवूया जिथे विकासाचा लाभ प्रत्येक घरापर्यंत पोहोचेल आणि कुणीही मागे राहणार नाही.

– सीए सौ. तेजश्री विश्वजीत करंजुले-पाटील नगराध्यक्षा, अंबरनाथ नगरपरिषद