गणपती विसर्जनाच्या पार्श्वभूमीवर कोहजगाव खदान परिसराला भेट देत विसर्जनस्थळाची पाहणी करण्यात आली. यावेळी पाण्याची पातळी, विसर्जनाची व्यवस्था तसेच नागरिकांच्या सुरक्षिततेच्या दृष्टीने आवश्यक बाबींची पाहणी करण्यात आली.
त्यानंतर हाऊसिंग बोर्ड परिसरातील रस्त्यांची पाहणी करून गणपती विसर्जनाची संपूर्ण प्रक्रिया नियोजनबद्ध आणि सुरक्षित पद्धतीने पार पडावी, यासाठी संबंधित अधिकाऱ्यांसमवेत आवश्यक नियोजन करण्यात आले. विसर्जनाच्या ठिकाणी स्वच्छता, पाणीपातळी, वाहतूक व्यवस्था, नागरिकांची सुरक्षितता तसेच आवश्यक त्या सुविधा याबाबत योग्य ती कार्यवाही करण्याच्या सूचना संबंधित अधिकाऱ्यांना देण्यात आल्या.
यावेळी अतिरिक्त CEO डॉ. मयुरेश भुजबळ, वरिष्ठ पोलीस निरीक्षक मा. शबीर सय्यद, नगरसेवक तथा बांधकाम समिती सभापती श्री. शैलेश भोईर, नगरसेवक श्री. किरण राठोड, नगरसेविका सौ. अर्चना रसाळ, शहर अभियंता श्री. राजेश तडवी, पाणी विभागाचे श्री. सुनील जाधव, आरोग्य विभागाचे प्रमुख श्री. राजेश शिंदे, आरोग्य विभागाचे श्री. महेश तायडे, माजी नगरसेवक तथा ‘लोकमत’ पत्रकार श्री. पंकज पाटील तसेच हाऊसिंग बोर्ड परिसरात नगरसेवक श्री. विकास सोमेश्वर, नगरसेवक श्री. प्रदीप नाना पाटील तसेच शहरप्रमुख, युवासेना अंबरनाथ पूर्व श्री. राहुल सोमेश्वर आदी उपस्थित होते.
गणपती विसर्जनाचा उत्सव भक्तिमय वातावरणात, शिस्तबद्ध आणि सुरक्षित पद्धतीने पार पडावा, यासाठी प्रशासनाकडून आवश्यक त्या सर्व उपाययोजना करण्यात येत आहेत.
CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷