World Environment Day 2026

चार्टर्ड अकाउंटंट (CA) झालेल्या कु. नेहा मोहम्मद हुसेन जहांगीरदार हिची सदिच्छा भेट घेऊन तिचे मनःपूर्वक अभिनंदन करण्यात आले. कु. नेहा जहांगीरदार हिला पुढील वाटचालीसाठी मनःपूर्वक शुभेच्छा!

अंबरनाथ नगरपरिषदेत सफाई कर्मचारी म्हणून कार्यरत असलेले श्री. मोहम्मद हुसेन जहांगीरदार आणि त्यांच्या कुटुंबाने प्रतिकूल परिस्थितीतही आपल्या मुलींना उच्च शिक्षण देण्यासाठी घेतलेले कष्ट आज खऱ्या अर्थाने फळाला आले आहेत. कुमारी नेहा हिने अथक मेहनत, चिकाटी आणि सातत्याच्या बळावर सी.ए. सारखी कठीण परीक्षा उत्तीर्ण करून अंबरनाथ शहराचे नाव अभिमानाने उंचावले आहे.

यापूर्वी तिची मोठी बहिणी डॉक्टर आणि दुसरी बहिण ॲडव्होकेट झाल्या असून, तिन्ही मुलींनी आपल्या कर्तृत्वाने समाजासमोर एक प्रेरणादायी आदर्श निर्माण केला आहे. हे यश केवळ जहांगीरदार कुटुंबाचे नसून संपूर्ण अंबरनाथकरांसाठी अभिमानाची बाब आहे.

सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

आषाढी एकादशी स्पेशल भेटी Reel

आषाढी एकादशीच्या पावन निमित्ताने अंबरनाथ शहरातील विविध ठिकाणी भेट देत विठ्ठलाच्या नामस्मरणात सहभागी होण्याचा योग आला.

श्री हेरंब सेवा समिती आयोजित वारीत सहभागी होऊन वारकऱ्यांसोबत भक्तिमय वातावरणाचा आनंद घेतला. तसेच डिस्कवरी किड्स स्कूल येथे लहान वारकऱ्यांचा उत्साह वाढवत त्यांच्यासोबत विठ्ठल नामाचा गजर केला. तसेच समाजसेवक श्री. चेतन चव्हाण यांच्या कार्यालयास सदिच्छा भेट देण्यात आली. त्यानंतर श्री विठ्ठल-रुक्मिणी मंदिरात दर्शन घेऊन श्री विठ्ठल-रुक्मिणींचे आशीर्वाद घेत सर्वांना आषाढी एकादशीच्या हार्दिक शुभेच्छा दिल्या.

यावेळी अंबरनाथ विधानसभा मतदारसंघाचे आमदार डॉ. बालाजी किणीकर, शहर उपाध्यक्ष श्री. प्रकाश वाळकुंज, नगरसेवक तथा नियोजन व विकास समिती सभापती श्री. महेश फुलोरे, नगरसेवक श्री. कुणाल भोईर, नगरसेवक व गटनेते श्री. रवी करंजुले, अंबरनाथ शहर सरचिटणीस श्री. राजेंद्र कुलकर्णी, समाजसेवक श्री. चेतन चव्हाण, ओबीसी सेल अध्यक्ष श्री. विनोद शेलार, सौ. प्रिया शिंदे उपस्थित होते.

सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

देवशयनी आषाढी एकादशी शुभेच्छा Graphic

देवशयनी आषाढी एकादशीच्या सर्व नागरिकांना हार्दिक शुभेच्छा!

भगवान श्री विठ्ठल-रखुमाई यांच्या कृपेने प्रत्येकाच्या जीवनात सुख, समृद्धी, उत्तम आरोग्य, समाधान आणि यश नांदो. भक्ती, सेवा, सदाचार आणि मानवतेची भावना आपल्या जीवनात अधिक दृढ होवो, हीच विठुरायाच्या चरणी प्रार्थना.

पुंडलिक वरदा हरी विठ्ठल श्री ज्ञानदेव तुकाराम.. पंढरीनाथ महाराज कि जय...

सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

Welcome To Ambarnath

एक मजबूत, स्वच्छ आणि सक्षम अंबरनाथ घडवूया

नगराध्यक्षा म्हणून माझे पहिले कर्तव्य म्हणजे स्वच्छ प्रशासन, कार्यक्षम सेवा आणि सर्वसमावेशक विकास प्रत्येक नागरिकापर्यंत पोहोचवणे.

माझी अंबरनाथसाठीची दृष्टी स्पष्ट आहे — भ्रष्टाचारमुक्त, प्रगत, स्वच्छ आणि डिजिटलदृष्ट्या सक्षम शहर उभे करणे, जे प्रत्येक कुटुंबाच्या आशा-आकांक्षा पूर्ण करेल.

स्वच्छता, आरोग्य, शिक्षण, रोजगार, उद्योजकता, तंत्रज्ञान आणि पारदर्शक प्रशासन या आधारांवर आपण अंबरनाथ अधिक सक्षम, दयाळू आणि पुढारलेले शहर बनवू.

चला, आपण सर्वांनी मिळून असे अंबरनाथ घडवूया जिथे विकासाचा लाभ प्रत्येक घरापर्यंत पोहोचेल आणि कुणीही मागे राहणार नाही.

– सीए सौ. तेजश्री विश्वजीत करंजुले-पाटील नगराध्यक्षा, अंबरनाथ नगरपरिषद

अंबरनाथशी जोडलेले राहा

👩‍👩‍👧‍👧 बचत गट

महिला बचत गट, उपक्रम आणि संधी

Join SHG Group

🏙️ अंबरनाथ नागरिक

शहर अपडेट्स, योजना आणि महत्त्वाच्या सूचना

Join Citizen's Group