World Environment Day 2026

आज अंबरनाथ नगरपरिषद कार्यालयात शहरातील विविध भागांतून आलेल्या नागरिकांच्या समस्या, सूचना व तक्रारी जाणून घेतल्या. नागरिकांनी पाणीपुरवठा, स्वच्छता तसेच इतर नागरी सुविधांबाबत विविध विषय मांडले.

यावेळी नागरिकांनी मांडलेल्या समस्यांवर संबंधित विभागांशी चर्चा करून आवश्यक सूचना देण्यात आल्या तसेच प्रलंबित विषयांचा आढावा घेण्यात आला. नागरिकांच्या समस्या तातडीने मार्गी लावण्यासाठी संबंधित अधिकाऱ्यांना आवश्यक कार्यवाही करण्याचे निर्देश देण्यात आले.

शहराच्या सर्वांगीण विकासासाठी तसेच नागरिकांना अधिक चांगल्या सुविधा उपलब्ध करून देण्यासाठी प्रशासन सातत्याने प्रयत्नशील आहे.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

योगा दिवस कार्यक्रम Photos

रिलायन्स रेसिडेन्सी क्लब हाऊस, अंबरनाथ (पूर्व) येथे अर्पण महिला योगा ग्रुप आयोजित आंतरराष्ट्रीय योग दिनानिमित्त आयोजित करण्यात आलेल्या कार्यक्रमात उपस्थित राहण्याचा योग आला. यावेळी योगशिक्षिका सौ. आशा तायडे यांच्या मार्गदर्शनाखाली विविध योगासने व प्राणायाम करण्यात आले. या उपक्रमात इतर महिलांसोबत सहभागी होत योगाचे महत्त्व अनुभवता आले.

यावेळी नगरसेविका सौ. स्वाती पाटील, नगरसेविका सौ. पूनम पाटील, सौ. सुषमा पाटील तसेच उल्हासनगर प्रभाग क्र. १८ चे नगरसेवक श्री. राजेश वानखेडे उपस्थित होते. योग ही केवळ व्यायाम पद्धती नसून निरोगी, संतुलित आणि आनंदी जीवन जगण्याचा मार्ग आहे. चला, योगाला आपल्या दैनंदिन जीवनाचा अविभाज्य भाग बनवूया.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

टकारी समाज संस्था कार्यक्रम Photos

नवीन भेंडीपाडा, अंबरनाथ येथे टकारी समाज संस्था आयोजित वार्षिक कार्यक्रमास उपस्थित राहण्याचा योग आला. समाजातील विविध क्षेत्रांत उल्लेखनीय कार्य करणाऱ्या मान्यवरांचा सन्मान करण्यात आला. हा कार्यक्रम समाजातील एकोपा, सामाजिक बांधिलकी आणि प्रगतीची प्रेरणा देणारा ठरला.

यावेळी टकारी समाज संस्था अध्यक्ष श्री. हेमंत जाधव नगरसेविका सौ. मीना वाळेकर, नगरसेवक श्री. सुभाष साळुंखे, नगरसेविका सौ. अल्पना गोरे, महिला मोर्चा अध्यक्ष सौ. पौर्णिमा जाधव, प्रभारी अध्यक्ष टकारी समाज संघ, महाराष्ट्र डॉ. लक्ष्मण जाधव, उपसचिव श्री. मनोहर बनपटे, महाराष्ट्र शासन जीवन गौरव पुरस्कार (सन २०२५-२६) प्राप्त सौ. पल्लवी जाधव, मुख्य विश्वस्त श्री. चंद्रकांत जाधव, श्री. किशोर गायकवाड, श्री. नित्यानंद गायकवाड, माजी अध्यक्ष श्री. शशिकांत गायकवाड, सहसचिव सौ. संगीता जाधव, कार्याध्यक्ष श्री. सुरेश गायकवाड तसेच समाजातील अनेक मान्यवर उपस्थित होते.

समाजाच्या सर्वांगीण विकासासाठी कार्य करणाऱ्या पदाधिकाऱ्यांचे व कार्यकर्त्यांचे मनःपूर्वक अभिनंदन व पुढील वाटचालीस शुभेच्छा..

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

Welcome To Ambarnath

एक मजबूत, स्वच्छ आणि सक्षम अंबरनाथ घडवूया

नगराध्यक्षा म्हणून माझे पहिले कर्तव्य म्हणजे स्वच्छ प्रशासन, कार्यक्षम सेवा आणि सर्वसमावेशक विकास प्रत्येक नागरिकापर्यंत पोहोचवणे.

माझी अंबरनाथसाठीची दृष्टी स्पष्ट आहे — भ्रष्टाचारमुक्त, प्रगत, स्वच्छ आणि डिजिटलदृष्ट्या सक्षम शहर उभे करणे, जे प्रत्येक कुटुंबाच्या आशा-आकांक्षा पूर्ण करेल.

स्वच्छता, आरोग्य, शिक्षण, रोजगार, उद्योजकता, तंत्रज्ञान आणि पारदर्शक प्रशासन या आधारांवर आपण अंबरनाथ अधिक सक्षम, दयाळू आणि पुढारलेले शहर बनवू.

चला, आपण सर्वांनी मिळून असे अंबरनाथ घडवूया जिथे विकासाचा लाभ प्रत्येक घरापर्यंत पोहोचेल आणि कुणीही मागे राहणार नाही.

– सीए सौ. तेजश्री विश्वजीत करंजुले-पाटील नगराध्यक्षा, अंबरनाथ नगरपरिषद

अंबरनाथशी जोडलेले राहा

👩‍👩‍👧‍👧 बचत गट

महिला बचत गट, उपक्रम आणि संधी

Join SHG Group

🏙️ अंबरनाथ नागरिक

शहर अपडेट्स, योजना आणि महत्त्वाच्या सूचना

Join Citizen's Group