आजच्या स्पर्धात्मक युगात प्रत्येक पालक आपल्या पाल्याला सर्वोत्तम शिक्षण मिळावे यासाठी प्रयत्नशील असतो. हाच विचार केंद्रस्थानी ठेवून अंबरनाथ नगरपरिषदेच्या शाळांना आधुनिक, डिजिटल आणि विद्यार्थीकेंद्रित बनविले आहे. मी सर्व पालकांना मनापासून आवाहन करते की, आपल्या पाल्याच्या उज्ज्वल भविष्यासाठी अंबरनाथ नगरपरिषदेच्या शाळांमध्ये आपल्या पाल्याचा प्रवेश घ्या.
आज आपल्या नगरपालिका शाळा केवळ शिक्षण देणाऱ्या संस्था नसून विद्यार्थ्यांच्या सर्वांगीण विकासाची सक्षम केंद्रे बनली आहेत. आधुनिक शिक्षणाच्या गरजा लक्षात घेऊन सुसज्ज संगणक प्रयोगशाळा, डिजिटल शिक्षण सुविधा आणि तंत्रज्ञानाधारित शिक्षण विद्यार्थ्यांना उपलब्ध करून देण्यात आले आहे. पालिकेच्या शाळांमधील विद्यार्थ्यांना मोफत गणवेश, बूट, दप्तर तसेच विविध शैक्षणिक सुविधा पुरविल्या जातात. सर्वात महत्त्वाचे म्हणजे या सर्व सुविधा विद्यार्थ्यांना कोणतीही फी न आकारता उपलब्ध करून दिल्या जातात.
गुणवत्तापूर्ण शिक्षण, आधुनिक तंत्रज्ञान, क्रीडा प्रशिक्षण, संस्कारक्षम वातावरण आणि विद्यार्थ्यांच्या सर्वांगीण विकासाच्या असंख्य संधी लक्षात घेता, जास्तीत जास्त पालकांनी आपल्या पाल्याचा प्रवेश अंबरनाथ नगरपरिषदेच्या शाळांमध्ये घ्यावा, असे मी सर्वांना नम्र आवाहन करते.
CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷