बांगडी गल्ली येथील विद्यमान भाजी मार्केटच्या जागी आधुनिक सुविधा व सुसज्ज पायाभूत व्यवस्था असलेले भव्य छत्रपती शिवाजी महाराज भाजी मार्केट उभारण्याच्या नियोजनासंदर्भात आज महत्त्वपूर्ण बैठक आयोजित करण्यात आली.
यावेळी प्रस्तावित भाजी मार्केटचा आराखडा सादर करण्यात आला. तसेच बांधकाम कालावधीत विद्यमान विक्रेते व दुकानदारांच्या व्यवसायावर कोणताही परिणाम होऊ नये यासाठी त्यांचे तात्पुरत्या जागेवर पुनर्वसन करण्याबाबत सविस्तर चर्चा करण्यात आली.
या प्रकल्पासंदर्भात संबंधित दुकानदार, विक्रेते व इतर घटकांच्या स्वतंत्र बैठका घेऊन त्यांच्या सूचना व मते जाणून घेतल्यानंतरच पुढील निर्णय घेण्यात येणार आहेत. विक्रेत्यांचा व्यवसाय सुरळीत राहावा, नागरिकांना अधिक चांगल्या सुविधा उपलब्ध व्हाव्यात आणि मार्केटचे काम नियोजनबद्ध पद्धतीने पूर्ण व्हावे, हा या उपक्रमामागील मुख्य उद्देश आहे.
यावेळी राज्य परिषद सदस्य व माजी नगराध्यक्ष श्री. गुलाबराव करंजुले पाटील, अंबरनाथ विधानसभा मतदारसंघाचे आमदार डॉ. बालाजी किणीकर, मुख्याधिकारी श्री. उमाकांत गायकवाड, शहराध्यक्ष व नगरसेवक श्री. विश्वजीत गुलाबराव करंजुले पाटील, गटनेता व नगरसेवक श्री. अभिजीत गुलाबराव करंजुले पाटील, नगरसेवक श्री. अब्दुल शेख, नगरसेवक श्री. सुभाष साळुंखे, गटनेते श्री. रवी करंजुले तसेच व्यापारी आघाडी अध्यक्ष श्री. खानजी धल उपस्थित होते.
CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷