आज अंबरनाथ नगरपरिषद कार्यालयात शहरातील विविध भागांतील नागरिक त्यांच्या समस्या, अडचणी व सूचना घेऊन आले होते.
यावेळी नागरिकांशी संवाद साधत त्यांच्या समस्या व सूचनांची सविस्तर माहिती जाणून घेतली. संबंधित विषयांवर तात्काळ कार्यवाही करून नागरिकांच्या प्रश्नांचे प्रभावीपणे निराकरण व्हावे, यासाठी संबंधित अधिकाऱ्यांना आवश्यक त्या सूचना देण्यात आल्या.
तसेच नगरसेवक तथा बांधकाम समिती सभापती श्री. शैलेश भोईर यांच्यासमवेत अंबरनाथ शहराच्या विकासासंदर्भात सविस्तर चर्चा करण्यात आली. त्यांनी शहराच्या विकासासाठी महत्त्वपूर्ण बाबी व विविध प्रस्ताव मांडले. त्या अनुषंगाने विकासकामांना अधिक गती देण्यासाठी कोणत्या उपाययोजना राबविता येतील, याबाबत सकारात्मक विचारविनिमय करण्यात आला.
याप्रसंगी भाजप जिल्हा सरचिटणीस श्री. विनोद गोवानी, भाजप जिल्हा उपाध्यक्ष श्री. सनी जाधवाणी उपस्थित होते. त्यांनी सदिच्छा भेट देत शुभेच्छा व्यक्त केल्या.
सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷