Ambarnath Portal
Directory, updates, and community links

World Environment Day 2026

www.Ambarnath.in

We are getting ready!

Instagram Calendar

पोस्ट दिनदर्शिका

त्या दिवसाचे Instagram पोस्ट्स पाहण्यासाठी तारखेवर क्लिक करा.

18 Oct 2026

7 linked posts
ठाणे जिल्हा विद्यासेवक सहकारी पतपेढी लि. ३९ वा गुणगौरव सोहळा कार्यक्रम Photos

महात्मा गांधी विद्यालय, अंबरनाथ येथे ठाणे जिल्हा विद्यासेवक सहकारी पतपेढी लिमिटेड, अंबरनाथ शाखेच्या वतीने आयोजित करण्यात आलेल्या ३९ व्या गुणगौरव समारंभास उपस्थित राहण्याचा व योग आला. या सोहळ्यात गुणवंत सभासद आणि त्यांच्या पाल्यांच्या यशाचा गौरव करण्यात आला. विद्यार्थ्यांच्या मेहनतीचे, जिद्दीचे आणि गुणवत्तेचे कौतुक करून त्यांना पुढील वाटचालीसाठी प्रोत्साहन देणारा हा उपक्रम निश्चितच प्रेरणादायी आहे.

यावेळी अंबरनाथ विधानसभा मतदारसंघाचे आमदार मा.डॉ. बालाजी किणीकर, कोकण विभाग शिक्षक मतदार संघाचे आमदार मा.श्री. ज्ञानेश्वर म्हात्रे, महात्मा गांधी विद्यालयाचे मुख्याध्यापक मा.श्री. संतोष भगणे तसेच समारंभ अध्यक्ष व विद्यासेवक पतपेढी अध्यक्ष श्री. सुधीर घागस उपस्थित होते.

या सुंदर सोहळ्याच्या आयोजनाबद्दल संस्थेचे आभार आणि सर्व गुणवंत विद्यार्थी व सभासदांचे अभिनंदन!

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

नवरात्री निमित्त निवासस्थानी भजन कार्यक्रम Reel

नवरात्रोत्सवाच्या पावन पर्वानिमित्त आमच्या निवासस्थानी भजनाचा कार्यक्रम अत्यंत भक्तिमय आणि उत्साहपूर्ण वातावरणात पार पडला. देवी मातेच्या भक्तिगीतांनी, भजनांनी आणि नामस्मरणाने संपूर्ण परिसर भक्तिरसात न्हाऊन निघाला.

भजनाच्या सुरेल स्वरांनी आणि भक्तीमय वातावरणाने उपस्थित सर्व भक्तजन मंत्रमुग्ध झाले. या प्रसंगी उपस्थित राहून भजनात सहभागी झालेल्या सर्व भक्तजनांचे मनःपूर्वक आभार!

आई जगदंबेच्या चरणी प्रार्थना की, सर्वांच्या जीवनात सुख, शांती, आरोग्य आणि समृद्धी नांदो. देवी मातेचा आशीर्वाद सर्वांवर सदैव राहो

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

अंबरनाथ येथील देवी मंदिर दर्शन Photos

अंबरनाथ पूर्व येथील गावदेवी मंदिर, महालक्ष्मी नगर येथील महालक्ष्मी मंदिर व आई तुळजाभवानी मंदिर, तानाजीनगर येथील सप्तशृंगी माता मंदिर तसेच उल्हासनगर येथील जगदंबा देवी मंदिर येथे उपस्थित राहून देवी मातेचे मनोभावे दर्शन घेतले आणि सर्वांच्या सुख, समृद्धी व आरोग्यासाठी प्रार्थना केली. यावेळी सौ. सुनीता गुलाबराव करंजुले पाटील, नगरसेविका सौ. मीना वाळेकर, नगरसेविका सौ. रंजना कोतेकर व अनेक भक्तगण उपस्थित होते.

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

कुलदेवी दर्शन Photos

वांगणी, डोणे येथे कुलदेवीच्या दर्शनासाठी जाऊन आईच्या चरणी नतमस्तक होऊन आशीर्वाद घेतला. देवी मातेचा आशीर्वाद सर्वांवर सदैव राहो आणि सर्वांच्या आयुष्यात सुख, समृद्धी व आनंद नांदो, हीच मनोकामना!

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

दुर्गा माता आरती Photos

नवरात्रोत्सवाच्या पावन पर्वानिमित्त पटेल होम्स मंदिर येथे आयोजित माता की चौकी कार्यक्रमाला उपस्थित राहून आई अंबे मातेची आरती करण्याचा आणि तिच्या चरणी नतमस्तक होण्याचा क्षण अनुभवता आला. तसेच नवरे नगर, अंबरनाथ पूर्व येथे मा. नगराध्यक्षा सौ. वर्षा बनसोडे यांच्या मंडळातील दुर्गामातेची आरती करून मातेचे आशीर्वाद घेतले.

नवरात्रोत्सव हा केवळ भक्तीचा उत्सव नसून तो श्रद्धा, शक्ती, सकारात्मकता आणि एकतेचा संदेश देणारा सण आहे. आई जगदंबेच्या कृपेने प्रत्येकाच्या आयुष्यातील संकटे दूर होवोत, प्रत्येक घरात आनंदाचे वातावरण नांदो आणि समाजात प्रेम, बंधुभाव व समृद्धी वाढीस लागो, हीच मातेच्या चरणी मनःपूर्वक प्रार्थना!

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

नवरात्र उत्सव देवी महागौरी / सुधा मूर्ती Video

नवरात्रीच्या आठव्या दिवशी पूजल्या जाणाऱ्या माता महागौरी या शुद्धता, ज्ञान, शांतता आणि करुणेचे प्रतीक मानल्या जातात. याच गुणांची आठवण करून देणारे प्रेरणादायी व्यक्तिमत्त्व म्हणजे सुधा मूर्ती!

माहेरच्या कुलकर्णी आणि विवाहानंतरच्या मूर्ती या नावांनी ओळखल्या जाणाऱ्या सुधा मूर्ती यांनी आपल्या कर्तृत्वाने स्वतंत्र ओळख निर्माण केली आहे. त्या एक अभियंता, लेखिका, समाजसेविका आणि शिक्षण व सामाजिक विकासासाठी कार्य करणाऱ्या प्रतिष्ठित व्यक्तिमत्त्व आहेत. Infosysच्या सुरुवातीच्या प्रवासात त्यांनी नारायण मूर्ती यांना मोलाची साथ दिली.

तसेच, Infosys Foundationच्या माध्यमातून शिक्षण, आरोग्यसेवा, ग्रामीण विकास आणि सामाजिक कल्याणासाठी महत्त्वपूर्ण योगदान देत आहेत. साधेपणातून मोठेपण जपणाऱ्या आणि समाजासाठी समर्पित भावनेने कार्य करणाऱ्या सुधा मूर्ती यांच्या कर्तृत्वाला मनःपूर्वक अभिवादन!

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

माता महागौरी Graphic

नवरात्रीच्या आठव्या दिवशी म्हणजेच महाष्टमीला आदिशक्ती दुर्गेच्या आठव्या स्वरूपाची, माँ महागौरीची पूजा केली जाते. महागौरी माता पावित्र्य, शांती, करुणा, सौभाग्य आणि समृद्धीचे प्रतीक मानली जाते.

पौराणिक कथेनुसार, माता पार्वतीने भगवान शिवांना पती म्हणून प्राप्त करण्यासाठी कठोर तपश्चर्या केली. या तपश्चर्येमुळे त्यांचा वर्ण काळवंडला होता. भगवान शिवांनी गंगाजलाने त्यांना स्नान घातल्यानंतर त्यांचा वर्ण गौर झाला. त्यामुळे त्यांना महागौरी असे नाव प्राप्त झाले, अशी धार्मिक मान्यता आहे.

महागौरी मातेच्या कृपेने सर्वांच्या जीवनात सुख, शांती, समृद्धी आणि आनंद नांदो, हीच

माँ महागौरी चरणी प्रार्थना!

CA सौ. तेजश्री विश्वजीत करंजुले पाटील
नगराध्यक्षा, अंबरनाथ नगरपरिषद 🪷

Welcome To Ambarnath

एक मजबूत, स्वच्छ आणि सक्षम अंबरनाथ घडवूया

नगराध्यक्षा म्हणून माझे पहिले कर्तव्य म्हणजे स्वच्छ प्रशासन, कार्यक्षम सेवा आणि सर्वसमावेशक विकास प्रत्येक नागरिकापर्यंत पोहोचवणे.

माझी अंबरनाथसाठीची दृष्टी स्पष्ट आहे — भ्रष्टाचारमुक्त, प्रगत, स्वच्छ आणि डिजिटलदृष्ट्या सक्षम शहर उभे करणे, जे प्रत्येक कुटुंबाच्या आशा-आकांक्षा पूर्ण करेल.

स्वच्छता, आरोग्य, शिक्षण, रोजगार, उद्योजकता, तंत्रज्ञान आणि पारदर्शक प्रशासन या आधारांवर आपण अंबरनाथ अधिक सक्षम, दयाळू आणि पुढारलेले शहर बनवू.

चला, आपण सर्वांनी मिळून असे अंबरनाथ घडवूया जिथे विकासाचा लाभ प्रत्येक घरापर्यंत पोहोचेल आणि कुणीही मागे राहणार नाही.

– सीए सौ. तेजश्री विश्वजीत करंजुले-पाटील नगराध्यक्षा, अंबरनाथ नगरपरिषद